2011-09-30
مقارنه بين اخر واحدث الأجهزه التابلت
بنظري الخاص ان جهاز امازون فاير اليديد ...صك عليهم ..بس ناقصه كاميرا ... وراح يكون متوفر بالسوق في تاريخ 15 نوفمبر في هالسنه ...وارخص واحد ..مايقارب ال 55 دينار كويتي فقط...يابلااااااااااااش
لحق لا تلحق ... تانقو شغلت الخدمه حتى على الكمبيوتر
يعني الحين احد من ربعك عنده ايفون او اندرويد.... وانت قاعد بالبيت على الكمبيوتر ..تقدر اتدق عليه واتكلمه واتشوفه ...اب لااااااااش
اليوم وصلني خوش ايميل من موقع بلنك
يقولون يبون يخصصون يوم الاثنين والثلاثاء و الاربعاء من كل اسبوع يسوون عرضه
انزين شنو هالعرض ....انا اقولكم
يختارون جهاز ....ويحطون عليه خصم قوي و يعرضونه للبيع ودايما الكميه اتكون محدوده
ف مثلا ..جهاز بلاك بيري 9900 سعره 219 دينار
يقومون يخلونه 159 دينار بس اب يوم العرض ....لحق لا تلحق
طبعا ...لكل شخص يحق له يشتري جهاز واحد فقط
موقع بلنك...اضغط هنا
2011-09-29
المشكله انه يباع في المملكه العربيه السعوديه
Posted by bof-10 | 2011-09-29 | Category:
|
0
التعليقات
كبروا الصوره وشوفوا......لا املك اي تعليق
شنو انضيف شيء يديد في المدونه؟
يا جماعه الخير ابيك اتصوتون اذا اتعزوني ... واللي عنده رأي ...يقوله وبصراحه ... انا ابي اخدمكم اكثر وابيكم تستانسون على المدونه وترتاحون بالتصفح اللي يعجبكم ويريحكم
كل شي ماشي بالواسطه وهذي نتيجتة الواسطه في الليسن ... مايعروف يسوقون ولا يقدرون ..يعني الشارع اب كبره متسكر
علشان هذا المخلوق الغريب يلف اللفه على راحته ولا بعد مروريا غلط ...... حسبي الله ونعم الوكيل
محتاجين انسوي حمله يديده ...بيض منتهي الصلاحيه ... واي واحد اتشوفونه مخالف للقانون ..... انحذفه اب بيضه على سيارته او على ويهه .... يستاهل بيضه على السرييييييع
2011-09-28
صــــــدمه !!!! .... قاعد اتعبث في اليوتيوب ولا اطيح على هالفيديو
طبعا الموضوع كان مكتوب ان"في مدينة البريده منطقة القصيم شارع النهضه بالتحديد" يمشي مفصخ علشان بلاك بيري
رجاءً21 وما فوق انا مو مسؤول اذا في اطفال
للأجهزه النقاله .... هــــنــــا
طبعا الطريقه وايد حلوه الا وهي ..انها الطياره تروح لمكان الحرائق و تنزل منها "كور" عملاقه من داخلها ماي
طبعا اخووش خبر ...يالله تحفظلنا الكويت من الحرائق ويارب مانحتاجها
هذا الفيديو لتفصيلي
والله انصدمت من حركة الساعه ...ازقرتيه شوفو الفيديو
The TAG Heuer Mikrotimer from HODINKEE on Vimeo.
ازقرت ازقرت ....شغل عدل مدل
يقولكم حبايبي هالبروجكتر اتحط فيه ايفونك واتشغل فلمك وتسمع الصوت منه ويعرضلك الفلم على اي مكان تبيه ولا بعد واااضح لأنه يشغل 720 بكسل ...يعني الوضوح ممتاز
وطبعا تقدر تستعمله من الابتوب او الكمبيوتر العادي او الديفيدي او الرسيفر او الهارد دسك
وهم فيه يو اس بي ..يعني مايحتاج وصلات واذيه
وخفيف وحلو حق السفر بس طبعا لازم كهربه ارضيه
للشراء| 800 دولار
2011-09-27
حبايبي سامحوني على الانقطاع وذلك لظروف العمل
عموما كون مبدأ هو مساندة ومساعدة الاعمال الصغيره الكويتيه و اللي اتقدم خدمات مجانيه
لذلك عقب التعبث والتواصل مع صاحب الموقع ...عرفة التالي
الموقع هز موقع لبيع وعرض وشراء السيارات ...ويقولك كل شي مجاني
يعني تعال اعرض وبيع ولاشتر اب بلاش
وفوق هذا لك صفحة خاصه فيك يعني مثلا انا عرضت سيارتي ...اقدر اعطي الناس لنك خاص يدشون على ملفي وسياراتي كلها
ازقرت صح ؟؟
لا بعد بعد في وايد
فيه بعد خدمة الواتس اب ..وكل شي ينزل اييلكم للتلفون يعني سيارتكم ابسرعه تنباع
ولا تقدر بعد اتدزلهم بالواتس اب واهما يعرضون سيارتك ...هم اب بلاش
وفوق هذا علشان ابسرعه تنباع سيارتك ..يعرضونها ب تويتر و ب الفيس بوك
شغل عدل مدل ....
وتقدر تعرض فوق ال6 صور لسيارتك ...ترا بلااااش
تقدر اتحط كل ميزات سيارتك ..انشالله اتطير ولا بحريه ...عادي ينباع
وطبعا فيه ميزه حلوه ...مثلا عندك واحد يقولك وييييه ماعرف حق الانترنت ... قوله هاك ملفات تعليميه بالفيديو ...مجانيييييييييي
لصفحة التعليم اضغط هنا .....طقني
وفيه ميزه واااايد حلوه الا وهي....الموقع توه امبلش ف هو موقع تجريبي يعني
راعي الموقع يبي ملاحظاتكم ..تعالو تحلطموا وقولو هالشغله مو عاجبتني وابيها اتصير جذي ...يقوم ويغيرها ...علشان خاطركم ..
ازقرت ازقرت
بعد اشوي بحط سيارتي ...
عموما هذا الموقع واللي عنده ملاحظات يقدر يحطها اهني بالتعليقات تحت
وهم تقدرون اتدزون ايميل حق صاحب الموقع وهو
وهم تقدرون اتدقون عليه على
+965-55228006
ورقم الواتس اب ... هو
+965-99647114
و لزيارة الموقع
ملاحظه: اللي عنده تجاره حلوه وشريفه انا مستعد ادعمه واعلق بكل صراحه ولايزعل مني اذا شفت نقد ...لكي افيد الناس
دزولي ايميل على ايميل المدونه
2011-09-26
2011-09-25
هذي رحله في روسيا ... اتوديك في طياره على ارتفاع 6000 متر وحزتها تنعدم الجاذبيه داخل الطيار ..فتعال شوف اللي طاير واللي يسبح هههههه
طبعا سعر الرحله في روسيا ...للشخص 7.000 دولار للمجموعه تتكون من 15 شخص ف تطلع على كل واحد 5.000 دولار ولكن الرحله تكون في اكبر طياره حجما في العالم
وطبعا في منها في امريكا ... تطلع اب 2.500 دولار فقط .. ويستخدومن في امريكا طيارة البوينق..يعني الطياره اتكون اصغر من الطياره الروسيه
شوفو الفيديو
عرفتوا هذاك المينون اللي نقز من قمة الجبل وكان لابس لبس مخصص حق الطيران ...
اليوم هالشخص نفسه ...عزم انه ينقز في الصين واهو طاير ...يبي يدش داخل نفق ويطلع الصوب الثاني
طوول عمري اعرف ان القناع لمن تلبسه مستحيل يضبط عليك
بس هالشخص اللي بالفيديو يايب قناع من سيليكون ... شوفو شلون صار على ويهه
المصدر|جريدة القبس صفحة 41 اصدار الأحد 25 سبتمبر 2011 العدد 13766
المصدر|جريدة القبس صفحه 5 اصدار الأحد 25 سبتمبر 2011 العدد 13766
يقولكم يا حبا.....ااا....ااااايبي.....طو لا ليييط...طو لا لييييييط ....
هذا اللي كان يحصل في نيويورك لمن تركب القطار الارضي .... ماكو سيرفس...نفس ربعنا بالضبظ
بس انتو خو ادرى ...ربعهم احسن من ربعنا وقالوا ليش انعطل اشغال خلق الله
ف قامو الشركات الاتصالات بتركيب مقويات و بث سيرفس قوي في كل محطات القطارات في نيويورك
طبعا بعد ما اعطوا السيرفس في الطيارات .....
الله يتمم عليكم يا حبايبي مع شركاتنا....بوطقه
مصدر الخبر هو ذي نيو يورك تايمز
2011-09-23
مطار هيثرو "لندن" حطو خدمه يديده .... واهي انك بدال لا اتعب نفسك وتمشي مسافه طويله لين سيارتك
حكو هذي السياره تمشي على البطاريه و بدون سايق...يعني اول ماتطلع من التيرمينال تركب هالسياره واتطق على رقم المصافط...والسياره اتوصلك ...حركااااااااااات ...الا قلتولي مطار الكويت هااااا ؟
توني كنت قاعد اتمشى في مدونة
ولا القى فيديو حق شاب سعودي يقولكم انا اتحداكم ...قلت اشلون ..لمن تعبثت و دشيت قناته في اليوتيوب
لقيت ان الأخ يقولكم دشو قناتي حطو تعليق و كتبو بالتعليق ...اتحداك اتسوي الشي الفلاني...و ثاني يوم اتلاقي الولد امسوين
من الأشياء المضحكه ..انهم قايلين له اوقف فوق السياره على الأشاره وغن النشيط الوطني
و سواها المينون !!! هههههههههههه
اعلنت مجموعة "انونيموس" الأمريكيه بأنهم سوف يعتصمون و يخرجون في مظاهرات في نيو يورك
تاريخ 24 في الشهر الحالي..اي تفصلنا عدة ساعاة فقط ...
واعلنوا انهم سمو الاعتصام "اليوم الثأر" وحتى انهم اعلنوا بأنهم سوف يوجهون اختراقاتهم
على عدة بنوك .. و شركات ... و وال سترييت.... و ادارة مخافر نيويورك كلها ....
وطبعا سابقااخترقوا ادارة مخافر نيويورك احتجاجا على اعتقال شخص من الشرطه بطريقه غير قانونيه
وانا حاليا امتلك كامل قاعدة البيانات المخترقه منهم..لأنه وزعوها في النت
عموما ...تقدرون اتابعون كل احداث الاعتصام اللي راح يحصل على هذا الحساب في تويتر
هذا فيديو للشرطه واجرائاتها التعسفيه مع الناس اللي تظاهرة مؤيده لما يفعلون قروب انونيموس
توصل العلم الى اكتشاف جديد وهو انهم يستطيعون قراءة مؤشرات من عقل الانسان وترجمتها و بثها على شاشه
يعني اذا حلمت عادي انا قاعد على راسك واشوف حلمك
الصوره اللي فوق طبعا اتوضح لكم بأن الجزء اللي على اليصار ..هذا الشرطي هو ماتراه في الحلم
الصوره اللي على اليمين اتوضح ....اللي احنا انشوفه وانت حلمان
طبعا الحين اوريكم الفيديو علشان اتصدقون
خوش حركه تقدرون اتطبقونها ابنفسكم ...
الله يرحمها يدتي ...اتموت على الراديو القديم اللي نفس جكله ...هذا بو جلده عرفتوه ؟
هذا نفسه ... اخووه اخوووه ....بس من ورق ....ويشتغل وصجي ... حركات ...شغل عدل مدل
للشراء|25 بوند
قامو طلاب في جامعه "كليفر كينق-ستون" في الولايات المتحده الامريكيه بصنع غساله و فوقها لعبه وسكان ...
يعني قط ملابسك بالغساله ..خلها اتغسل...العب لك جم لعبه ولا خالصين الملابس ...حركااااااات
2011-09-22
راح اتجه الى دولة البحرين الشقيقه الجميله ... وعلشان ادفع رسوم الجامعه
واستلم جدول المواد ..وادفع للكتب.... وارجع
رحلتي راح اتكون على السياره
تقريبا الرحله راح تاخذ 5 ساعات ونص ك حد اعلى من بيتنا الى المنامه او الجفير...
ومثل ما الكل عارف المملكه السعوديه الشقيقه عندهم عيد وطني ف معناته جوازات البحرين مزدحمه بشكل غير طبيعي
ولمن اقول غير طبيعي ...اقصد .....غير طبيعي من قلب
ف انا شخصيا اتوقع انها راح تاخذ علي 7 ساعات الى 8 كحد اعلى حتى اصل الى حبيبتي مملكة البحرين الشقيقه
وبأذن الله راح اشوفلي سكن قريب على الجامعه فقط ليوم واحد لأني سوف اصل يوم الجمعه بإذن الله و راح اراجع الجامعه يوم السبت اذا الله اراد
ورجعتي حق امي الكويت بعد تسجيلي للجامعه على طول !!!
تسخين موظفين الـــ"وال مارت" قبل لا يبلش الدوام.... وي ار وي ار ...وال مارت !!
007 يا جماعة الخير حصريا ...فلم من اوغندا ...شي خيااال خيااااال مايدش صكو على افلام
اسم الفلم .... تي-با-تو-سا-سو-لا
خلاص دام انه حلف مانقدر انسوي شي
الأخ جووي في سباق للدراجات ...و الاخ متحمس وايد لأنه قرب يم ربعه واهله وقامو ينادونه ...ف شوفو من زود الحماس شنو سوى صار فيه .....مسكين
روسيين سكارى و فاضيين ..ومر واحد مو عاجبهم شعره ف شوفو شنو سوو ....
تحذير : ليس لضعاف القلوب.....
الجيش السوري صايدين شخصين سوريين مساكين...ويعذبونهم ويدوسون على اجسامهم ويضربونهم.....
كما عودتكم كل يوم نعطيكم درس..ولا واحد فيكم فكر يقولي مشكور...الله كريم
عموماً.....درس اليوم راح يكون
انك تسوي قاعده اب نفسك ..وعلا فكره الفيديو راح يعلمكم اتسوون قاعدتين وحده تركب على ارقام سيارتك و الثانيه داخل سيارتك على الطبلوم .... شوفو الفيديو وتعلمو.....
DIY Car Mounts for Small Camcorders from MHN Productions on Vimeo.
الوطنيه للأتصالات للأسف لازالت لديها سياسة الاستخدام العادل ولازالت شغاله على هذا النهج القمعي على المستخدمين
وهذي هي الأدله
وهذا لنك الصفحه من الوطنيه علشان تقتنعون واتروحون اتشوفونها ...اضغط هنا
حبايبي ...في الافلام مو اتشوفون كل ساعه واحد نقز ودش بالدريشه وطلع الصوب الثاني ولا يه ولا زلق؟
ولا يطلعلك واحد قاعد يتهاوش وينطق على راسه في بطل و مايصير فيه شي @@
اوكي اليوم بنوريكم اشلون يسوون هالنوع من الجزاز و اشلون يستعملونه واشلون ماتتعورون منه
اعتقد ان اغلب شركات الانترنت في الكويت شالت سياسة الاستخدام المحدود
ف اليوم في تصفحي لموقع شركة "كيمز" للانترنت لاحظة ان في اعلان لهم ان الأنترنت صار حلالي !
والتناقض في الموضوع ان .... لمن اتروح اتشوف اسعار النت عندهم يقولون لك تطبق الشروط ....
شوفوا الشروط....
يعني انتو عدلتوا على الموقع وحطيتوا اعلان انه صار حلالي وراح يزيد الدخل و الربح لأنه في زباين يايه على الأعلان...بس السؤال هو انتم متحسفين على الاستخدام المحدود ولا مالكم خلق اتعدلون سياسة الاستخدام ؟؟
طحتلكم على خووش فيديو ... يعلمكم اشلون اتسوون موكا شوكوليت كوكيز ... يعني كوكيز ... على طعم كاكاو و موكا !!
اي اي من صجي ...شوفو شوفو الفيديو وتعلمو ....
اليوم بعد التعبث طحت على هالموقع يسوي كل شي من مادة الكاربون فايبر
ف لفت انتباهي هالموضوع وهو بيع كروت مصنوه من الكاربون فايبر تستعمل للفيزا والماستر كارد..بطاقات السحب الآلي
ولكن السؤال هل يمكن حقا استعمالها ام لا؟
ف اتمنى اي شي يعمل في اي بنك من البنوك ...ان يساعدنا بمعرفه هذا الموضوع.
للشراء | السعر : 29.99 دولار
2011-09-21
هذي يا محفوظين السلامه نسخه جديده من الأف جي ...نسخه خاصه للناس اللي يحبون المغامرات والبر والبحر
ميزاته يا محفوظين السلامه كالتالي:
مظهر حلو
من داخل امكبرين وامغيرين اشوي المسكات
ماتحاتي بر او بحر...اتروح وانت مرتاح وحتى حق السفر
سيئاته:
الاكزوز شكله خايس
الجيك خفيف حيل و مو قوي
الرؤية في المنظره الخلفيه مو جيده
طبعا الموتر قوي للأستخدام و فيه دقمة التراكشن... نظام عدم الانزلاق
طبعا فيه دبل ..للدفع الخلفي او التحويل الى رباعي
و فيه كاميرا خلفيه ضد الماي...حركات
طبعا 260 حصان ... 6 سلندر
الاشتراك في:
الرسائل (Atom)